ملتان (زیروپوائنٹ9)ایک 8سالہ پاکستانی بچی نے بون میرو عطیہ کرکے اپنی نومولود بہن کی جان بچا لی۔خلیج ٹائمز کے مطابق عفیفہ نامی اس بچی کی پیدائش مارچ 2022ءمیں ہوئی تھی اوراس کی عمر محض تین ماہ تھی جب اسے مسلسل بخار رہنے لگا اور اس کی رنگت زرد پڑتی چلی گئی۔
عفیفہ کا والدہ محمد اقبال روزگار کے سلسلے میں گزشتہ 10سال سے متحدہ عرب امارات میں مقیم تھا اور چند سال قبل اس نے اپنی اہلیہ بتول زہرہ اور بچوں کو بھی اپنے پا س بلا لیا تھا۔ ڈاکٹروں نے عفیفہ میں ’لمفوبلاسٹک لیوکیمیا‘ نامی کینسر کی تشخص کی، اس کے علاج میں عفیفہ کو بون میرو کی ضرورت تھی۔
عفیفہ کے ساتھ اس کی 8سالہ بہن نازیہ زہرہ کا بون میرو پوری طرح میچ کر گیا تھا چنانچہ ڈاکٹروں نے اس کا بون میرو عفیفہ بتول کو ٹرانسپلانٹ کر دیا۔ننھی نازیہ کو جب صورتحال بتائی گئی تو وہ فوراً اپنی بہن کو بون میرو دینے کے لیے رضامند ہو گئی۔
نازیہ کا کہنا تھا کہ ”جب ڈاکٹروں نے مجھے بتایا کہ میری بہن بہت بیمار ہے تو میں بہت دکھی ہوئی اور جب مجھے بتایا گیا کہ میں اپنی بہن کی جان بچا سکتی ہوں تو میں خوش ہو گئی، مجھے بالکل بھی ڈر نہیں لگا۔ عفیفہ میری جڑواں بہن کی طرح ہے اور میں اس سے بہت محبت کرتی ہوں۔“
بھارت میں گرفتار ہونے والی پاکستانی لڑکی کے حوالے سے مزید تفصیلات سامنے آگئیں.
One thought on “پاکستانی 8سالہ بچی نے اپنی نومولود بہن کی جان بچا لی”