پاکستان ڈیفالٹ ہو نہیں رہا بلکہ ہو چکا، خواجہ آصف کا بیان

ملتان (زیروپوائنٹ9) وفاقی وزیر خواجہ آصف نے کہا ہے کہ پاکستان ڈیفالٹ ہو نہیں رہا، ہو چکا ہے۔ کراچی پولیس آفس حملے میں سکیورٹی اداروں نے بہادری سے دہشت گردوں کا سامنا کیا۔
دنیا نیوز کے مطابق ن لیگی رہنما خواجہ آصف کا کہنا تھا کہ ہم ایک دیوالیہ ملک کے رہنے والے ہیں، ہمیں اپنے پیروں پر کھڑا ہونا ہو گا۔ ملک کے تمام مسائل کا حل ملک کے اندر ہی ہے، آئی ایم ایف کے پاس نہیں۔ کراچی پولیس آفس حملے میں سکیورٹی اداروں نے بہادری سے دہشت گردوں کا سامنا کیا، سکیورٹی اہلکار رات بھر دہشت گردوں کا مقابلہ کرتے رہے۔ انہوں نے کہا کہ اسٹیبلشمنٹ ، بیورو کریسی اور سیاست دان سب موجودہ صورتحال کے ذمہ دار ہیں۔ ڈیڑھ سال قبل دہشت گردوں کو اپنی سر زمین پر لا کر بسایا گیا،ایسے کھیل کھیلے گئے کہ دہشت گردی مقدر بن گئی۔ جس نے آواز اٹھائی اس کو ملک بدر کر دیا گیا۔
دہشت گردی میں اضافہ انٹیلی جنس کی ناکامی ہے،عمران خان۔