ملتان (زیروپوائنٹ9) نگران وزیر اعلیٰ محسن نقوی سے صوبائی وزراء کی ملاقات ہوئی جس میں آئندہ لائحہ عمل پر تبادلہ خیال ہو ا۔
محسن نقوی سے ملاقات کرنے والوں میں نگران صوبائی وزیرانرجی، انڈسٹریز، انویسٹمنٹ اینڈ سکل ڈویلپمنٹ ایس ایم تنویر،نگران صوبائی وزیر سپیشلائزڈ ہیلتھ کیئر اینڈ میڈیکل ایجوکیشن ڈاکٹر جاوید اکرم، نگران صوبائی وزیرہائر ایجوکیشن اینڈ سکولزایجوکیشن منصور قادر، نگران صوبائی وزیر لوکل گورنمنٹ اینڈ کمیونٹی ڈویلپمنٹ ابراہیم مراد، نگران صوبائی وزیرتعمیرات و مواصلات و ایکسائز اینڈ ٹیکسیشن بلال افضل اور نگران صوبائی وزیراطلاعات و ثقافت عامر میرشامل تھے۔اس موقع پر محسن نقوی کا کہنا تھا کہ اللہ تعالیٰ کی عطا کردہ ذمہ داری کو عوام کی خدمت کیلئے وقف کر دیا ہے، عوام کو ہر محکمے کی طرف سے ریلیف ملتا نظر آنا چاہیے ،مختصر مدت میں وہ کام کر کے جائیں کہ لوگ آپ کو یاد رکھیں۔