ملتان(زیروپوائنٹ9) سکیورٹی فورسز نے لکی مروت میں آپریشن کر کے 12 دہشت گردوں کو ہلاک کر دیا۔ میڈیا رپورٹس کے مطابق لکی مروت میں سکیورٹی فورسز اور پولیس نے مشترکہ آپریشن کیا جس میں 12 دہشت گردوں ہلاک ہو گئے۔ آئی ایس پی آر کا کہنا ہے کہ انٹیلی جنس اطلاعات پر آپریشن 7 اور 8 فروری کی درمیانی شب کیا گیا،انٹیلی جنس ایجنسیز دہشتگردوں کی نقل و حرکت کا ایک ماہ سے جائزہ لے رہی تھیں۔
ہلاک دہشت گردوں سے اسلحہ اور افغان کرنسی بھی برآمد ہوئی۔ آئی ایس پی آر نے مزید کہا کہ منصوبے کے تحت دہشت گردوں کو فرار ہونے کے لیے گاڑی فراہم کی گئی،دہشتگردوں کی فرار ہونے کی کوشش کو ناکام بنایا گیا،لکی مروت میں سیکیورٹی فورسز کلیئرنس آپریشن کر رہی ہیں۔
یاد رہے کہ اس سے پہلے شمالی وزیرستان میں سکیورٹی فورسز اور دہشت گردوں کے درمیان فائرنگ کا تبادلہ ہوا ۔
پی ٹی آئی کے 43 ارکان قومی اسمبلی کے استعفے منظور کرنے کا حکم معطل
پاک فوج کے شعبہ تعلقات عامہ آئی ایس پی آر نے بتایا کہ شمالی وزیرستان کے ضلع ایشام میں سکیورٹی فورسز اور دہشت گردوں کے مابین فائرنگ کا تبادلہ ہوا۔ فائرنگ کے تبادلے میں 2 دہشت گرد ہلاک ہو گئے،دہشت گردوں سے اسلحہ اور گولہ بارود بھی برآمد ہوا،ہلاک دہشت گرد سیکیورٹی فورسز کے خلاف کارروائیوں میں ملوث تھے۔ جبکہ گزشتہ دنوں بھی سکیورٹی فورسز نے شمالی وزیرستان میں فائرنگ کے تبادلے میں ایک دہشتگرد ہلاک کیا تھا،ہلاک دہشتگرد سکیورٹی فورسزپر حملوں اور شہریوں کے قتل میں ملوث تھا۔