اسلام آباد(زیروپوائنٹ9) پاکستان تحریک انصاف کے رہنما فواد چودھری نے کہاہےکہ عمران خان جیل میں بھی ہوں تو دو تہائی اکثریت لیکر جیتیں گے۔ان کا کہنا تھا کہ اقتدار چلا جائے گا تو آپ کو حساب دینا پڑے گا، ن لیگ کواحساس ہوگیا ہے کہ مریم نواز مکمل ناکام ہوگئی ہے۔
ہم نیوز کے پروگرام ’ ہم مہر بخاری کے ساتھ‘ میں گفتگو کرتے ہوئے سابق وفاقی وزیر فواد چودھری نے کہا ظل شاہ قتل میں نگران وزیراعلیٰ، آئی جی پنجاب، ہوم سیکریٹری اورسی سی پی او شریک اور براہ راست مجرم ہیں،نگران وزیراعلیٰ، آئی جی پنجاب اور سی سی پی او کے حکم پر تشدد کیا گیا، ہم مطالبہ کرتے ہیں ان چاروں افراد کے خلاف کارروائی ہونی چاہیے۔انہوں نے کہا کہ ظل شاہ کے والدین پر بہت پریشر ہے، ظل شاہ قتل کیس کی تحقیقات کے لیے جوڈیشل کمیشن بننا چاہیے۔ انہوں نے کہا واقعہ کے فوری بعد پنجاب حکومت کی مدعیت میں ہم پر قتل کا مقدمہ ہوتا ہے، دو دن بعد پریس کانفرنس کر کے کہا جاتا ہے کہ یہ حادثہ تھا۔
توشہ خانہ ریکارڈ پبلک ہونے پر احسن اقبال نے پوری رقم جمع کروا دی