اسلام آباد(زیروپوائنٹ9)تحریک انصاف کے وکیل بیرسٹر علی ظفر نے کہاہے کہ پنجاب اور خیبرپختونخوا میں انتخابات سے متعلق سپریم کورٹ کے فیصلے پر کہاہے کہ پنجاب اسمبلی کی تاریخ صدر دیں گے اور کے پی کے کی تاریخ گورنر دیں گے ،سپریم کورٹ کی بات نہ ماننا توہین عدالت ہو گی ، حکومت اگر سپریم کورٹ کے فیصلے پر عملدرآمد نہیں کرتی تو ہمارے سامنے ایک وزیراعظم یوسف رضا گیلانی کی مثال موجود ہے۔نجی ٹی وی چینل جیو نیوز کے مطابق بیرسٹر علی ظفر نے کہاکہ آج کا فیصلہ آئین کی فتح ہے ،سپریم کورٹ نے 90 دن مین الیکشن کرانے کا کہاہے ،صدر الیکشن کمیشن سے مشاورت کرکے حتمی تاریخ کا اعلان کر سکتے ہیں ،ان کاکہناتھا کہ تین ججز کافیصلہ اکثریت کا فیصلہ ہے وہی فیصلہ سمجھا جائے گا،پانچ جج ہی تین چار دن سے بحث سن رہے تھے انہوں نے ہی فیصلہ دیا ہے ۔
ان کاکہناتھا کہ عدالت نے کہا کہ گورنر اسمبلی تحلیل کرتے ہیں تو گورنر ہی تاریخ کا اعلان کرتے ہیں ،جہاں گورنر اسمبلی تحلیل نہیں کرتے تو پھر الیکشن ایکٹ میں صدر تاریخ دیتے ہیں،پنجاب اسمبلی کی تاریخ صدر دیں گے اور کے پی کے کی تاریخ گورنر دیں گے ، وکیل پی ٹی آئی کاکہناتھا کہ سپریم کورٹ کی بات نہ ماننا توہین عدالت ہو گی ۔
لیبیا میںتارکین وطن کی کشتی ڈوب گئی ، 3 پاکستانی جاں بحق