ملتان (زیروپوائنٹ9) امریکی ریاست جارجیا میں ایک 13 سالہ لڑکی سر درد کی شکایت کے چند گھنٹوں بعد ہی بغیر تشخیص لیوکیمیا کی وجہ سے انتقال کر گئی۔ جولیا شاویز کی والدہ جینا رینڈل نے بتایا کہ انہیں ہفتے کے آخر میں سر اور کان میں درد ہوا تھا جس کی مقامی ڈاکٹروں نے تشخیص کی تھی۔ لڑکی کو اینٹی بائیوٹک تجویز کی گئی تھی لیکن وہ اتوار کی صبح گر گئی۔ اسے ہسپتال لے جایا گیا جہاں سی ٹی سکین سے پتہ چلا کہ لیوکیمیا کی وجہ سے اندرونی بلیڈنگ ہو رہی تھی۔
لڑکی کے والد ڈینس لی شاویز نے فیس بک پر لکھا ‘اس کے دماغ، پھیپھڑوں، پیٹ میں، ہر جگہ خون بہہ رہا تھا۔’ شاویز نے پوسٹ میں مزید کہا، ‘یہیں سے ہمیں پتہ چلا کہ اسے لیوکیمیا ہے۔ یہ بہت مشکل تھا اور اتنی تیزی سے آیا، ڈاکٹروں نے ہمیں بتایا کہ ایسا کوئی طریقہ نہیں تھا جس سے ہم اس کے بارے میں جان سکتے تھے۔’جولیا کولمبیا کاؤنٹی کے ہارلیم مڈل سکول کی طالبہ تھی۔ اس کے اساتذہ نے اس نوعمر کو ‘سب سے مہربان، سب سے بڑے دل والی بچی قرار دیا۔
دہشتگرد ایک ماہ تک جاسوسی کرتے رہے، حملے میں استعمال شدہ کار کا مالک گرفتار